雲興隆小廚 (已結業)

今日去左牛头角揾朋友，夜晚唔知食咩好，见呢间冇乜人就入去试试啦！突然好想食咸蛋蒸肉饼，又咁岩呢度又有！不过佢系煲仔饭咁上，仲正啦有饭焦可以食😂值得一提既系鼓油系另上，因为好多餐厅都系姐姐帮你淋埋。讲番个肉饼，佢肥瘦适中，所以唔会太干身太硬又或者食落啖啖都系肥肉。而且大细岩岩好，𩠌唔会太少令到你最后要斋食饭，𩠌同饭既比例合理～饭方面有时煲仔饭既关系会有机会令到d 饭会干，但今次又冇呢个问题，同时间又控制到有饭焦，正呀！食饭既时候见到隔离枱d小炒都好似好正咁，睇餐牌见到晚市先五十蚊个餐劲抵，下次有机会一定要试！