兩草 (已結業)

大坑里边高级餐厅林立，突然间见到有一间小店，眼前一亮，试试佢先。肉骨茶有好大阵胡椒味，浓烈嘅汤，加上已经煮到非常之咁软熟嘅猪骨，不错不错。斑兰咖央 toast，平时见到通常都系绿色嘅，呢个望落成个奶酱多咁，冇咩特别好香嘅味道，得甜味。叉烧滑蛋饭即系黯然销魂饭，豉油落得啱啱好，不太多也不太少，佢嘅叉烧系切成条状，唔系一块块，都几好咬，不失为一个出色嘅黯然销魂饭。可惜嘅就系个份量太细啦，一个人食一碗饭系唔会饱㗎，所以我哋叫咗两碗饭。乏善足陈嘅菜心香煎鱼饼其实都应该系几香口几出色嘅，不过本人系唔钟意食鲮鱼的，好重味。总括来讲，不错。