Brother’s Food (已結業)

KCC 1楼小店都唔少，今次lunch就出去random拣一间试吓，最近有铺burger瘾，就试试呢间Brother’s Food啦！选择极多但当日想食牛堡就缩细范围唔洗咁愁。但系主menu嘅牛堡都会有芝心系入面，唔食芝士嘅朋友就要留意，可能要系另外草饲牛burger menu入面拣啦！最后拣咗最basic嘅美式芝心牛肉煎蛋汉堡，本身想拣配薯角但店员话无晒薯角，所以唯有拣薯条，仲有饮品包埋。Burger劲多层，分别有2块蕃茄、好多块生菜、煎蛋、芝心牛肉、甜洋葱丝、芝士一块，超足料同时亦极困难先咬到，最后食到成面都系⋯讲返味道，蔬菜类都好fresh，甜洋葱丝几提味，芝心牛肉嘅芝士馅唔会太浓芝士所以无抢到牛个阵味，不过本身块牛嘅牛味可以再浓啲同埋白色嘅酱汁都可以轻手啲啲。包体几软熟不过都应该系来货的。薯条几脆亦食到入面嘅薯肉几绵密，整体都唔错又几抵食，食完都好饱！值得一提系等候时间唔算太耐，如有下次都会想再帮衬其他burger口味。