Brother’s Food (已結業)

些牙返早早早前食的早鳥晚餐🥣是brothers food出品的漢堡🍔係老闆推介我食的 唔知佢仲記唔記得呢😂🤣✌🏽😀佢個名叫菠蘿吉列豬扒漢堡🍍🐷🧀🧊🍍🍅🧅🍅🍔份量勁足料囉 配菜係🈶️洋蔥🧅生菜🥬蕃茄🍅塊豬扒真係好吉列 炸🉐️好鬆脆肉質又唔會好韌啵☺️😉仲有塊菠蘿真係好冰啊🧊🧊🧊🍍夾埋塊豬扒 芝士食真係好🈶️冰火交融的感覺😝😛同埋佢嘅粗薯條同埋青檸杯飲品都好高質哈哈 絕對有回頭的機會 下次再幫襯👏🏽👏🏽

疫情肆虐😷街岀少左食好野嘅機會都少左，大家好好保重身體，希望可以快啲岀翻黎過翻正常嘅生活啦😪聽到葵字係咪都有啲驚呢？🤣KCC 姐係九龍貿易廣場，係葵興港鐵站旁嘅一幢新商業大廈，裏頭一至三樓有好幾間小食店，其中今次介紹呢間漢堡包店，佢地做嘅黃金炸魚皮就相當之岀色。🐟黃金炸魚皮 $➌⓿小店做到即叫即製，所以預左等候時間要15分鐘左右。好食物唔怕等一等嘅，魚皮先放落油翻炸至脆身，然後再用鐵鑊加入咸蛋黃蓉快炒至均勻。每件炸魚皮都黏滿帶鹹香嘅黃金蓉，又唔會過份濃味，件件仲熱辣辣脆卜卜，食到唔停口㗎真係🤭而且30蚊一份嘅炸魚皮份量一啲都唔少，1個人自私食定2個人share 都完全無問題！等候期間見師傅製作漢堡包同樣係好有心機，餐牌款式都好吸引，下次再黎開呢頭一定會試吓佢～📍Brother’s Food葵涌葵昌路72-76號life@KCC1樓110號舖

KCC 1樓小店都唔少，今次lunch就出去random揀一間試吓，最近有鋪burger癮，就試試呢間Brother’s Food啦！選擇極多但當日想食牛堡就縮細範圍唔洗咁愁。但係主menu嘅牛堡都會有芝心係入面，唔食芝士嘅朋友就要留意，可能要係另外草飼牛burger menu入面揀啦！最後揀咗最basic嘅美式芝心牛肉煎蛋漢堡，本身想揀配薯角但店員話無晒薯角，所以唯有揀薯條，仲有飲品包埋。Burger勁多層，分別有2塊蕃茄、好多塊生菜、煎蛋、芝心牛肉、甜洋蔥絲、芝士一塊，超足料同時亦極困難先咬到，最後食到成面都係⋯講返味道，蔬菜類都好fresh，甜洋蔥絲幾提味，芝心牛肉嘅芝士餡唔會太濃芝士所以無搶到牛個陣味，不過本身塊牛嘅牛味可以再濃啲同埋白色嘅醬汁都可以輕手啲啲。包體幾軟熟不過都應該係來貨的。薯條幾脆亦食到入面嘅薯肉幾綿密，整體都唔錯又幾抵食，食完都好飽！值得一提係等候時間唔算太耐，如有下次都會想再幫襯其他burger口味。

今日工作完畢，半日戶外既工作，然後想食下漢堡包，就來左呢間小店食漢堡，我又好鐘意食沙嗲醬，所以選擇左個沙嗲醬牛肉包來食，店舖職員服務態度一流，會再來幫襯，試試其他款式。

今日下午，路過葵興，買啲嘢食上朋友公司毫無頭緒下，行下行下，見啲水牌幾吸引。好，就你啦！店主勁有禮貌，推介我食套，個牛芝堡極速消滅咗，套餐本身跟薯條，但咸蛋黃魚皮係十二分之喜愛。所以加咗13蚊轉要炸魚皮。味道真心唔差。態度友善，仲提醒我要快啲食，驚啲魚皮會淋！

今日買外賣午餐，買左個美式雙層芝士牛肉漢堡套餐，外賣等5分鐘左右就有，尚算快個牛肉漢堡食落去有驚喜，牛肉有肉汁，好juicy,新鮮好食，同芝士的味到好夾，而雙層芝士亦都令到個包好邪惡但好好食。整體而言，個雙層芝士牛肉漢堡嘅質素絕對贏咗大型連鎖店嘅漢堡包。跟餐嘅炸薯條，係新鮮炸出嚟，幾香幾好食，而餐廳用個杯仔裝住，都幾方便，可直接攞薯條出嚟食而跟餐嘅泰式青檸嘢飲，味道甜甜地，有少少檸檬嘅味道，同個餐都幾夾，幾啱夏天飲

雖然呢間放飯鐘數睇落人流比起其他地方少 但burger食落都幾足料der 套餐包🍔+🍟+🥤 原本薯條可選: 幼/粗薯條/粗薯角🤠但我食粗薯時 佢話暫時無供應 朋友話想食粗薯角 佢又話無貨 咁不如你遮一遮出面個menu 唔好顯到咁多選擇好嗎🤪然後飲品方面有: 冷熱泰式奶茶/凍青檸茶/熱茶系列 然而朋友叫咗熱茉莉茶 原來只獲一茶包 店員差啲連杯都唔想比🤡唔通真係當呢度個個番office嘅有自備水壺、熱水供應？。。。🦔👉南瓜薯餅漢堡 套餐 $55個包裝盒設計都唔錯嘅 入面仲有比較厚身嘅牛油紙包住burger 隻手拎住食完都唔會覺得油淋淋 雖然佢嘅漢堡包係好平凡嗰種充滿芝麻 但內裡嘅餡料一啲都唔吝嗇 薯餅都有一定厚度以外 仲有兩大片厚身嘅蕃茄、切好幾新鮮嘅生菜塊 兩大條洋蔥圈好彩幾甜🤪唔係好生嗰種我鍾意 啱哂主張健康嘅大家kekee 講起薯餅唔會炸得好脆 食落整體口感好泥 南瓜味雖有但唔會好濃烈 幾鍾意搭埋片熱溶芝士💕仲有沙律醬 整體食落一半有多都幾飽 材料多款夠rich又新鮮 對我黎講少番啲沙律醬就好🍟幼薯條嘅粗幼同金拱門差唔多樣 係炸落再金黃色啲 咬落又脆啲 食落唔會過咸 味道適宜🥤難得跟

朋友話有間新開嘅食burger就一齊去試下~去到見到啲menu都覺得幾創新嘅，中日韓泰風味齊哂，咩叻沙配乜乜、泡菜配乜乜之類，雖然幾新奇，但都唔敢試，都係食返經典嘅芝士牛肉漢堡，另加$15配薯條野飲。本身打開都幾期待，但食落就有啲失望。因為塊包冇烘過，一啲都唔熱同唔脆，另外牛肉同芝士都室溫狀態，食落口冇乜感覺，普普通通咁。最慘嘅係，竟然畀我見到條頭髮攝咗喺入面。。。最基本嘅衛生都做唔到！！！Burger都算，薯條先大鑊！完全係餅乾咁款，又硬又乾，完全係啃唔落口。。。泰式奶茶總算最正常，但淨係前面兩樣嘢，都令我決定唔會再食第2次。。。

疫情下好少周圍揾好嘢食，之前過開黎附近當然要試一試呢間創意漢堡啦!好多款特式漢堡，心大心細好想樣樣都試吓! 終於揀咗鹹蛋煎肉餅漢堡同炸粗薯條! 平時只喺住家餸出現鹹蛋肉餅變身成漢堡真係估唔到咁夾! 肉味香濃多汁既肉餅加上粒粒鹹蛋蓉，完全係一種與別不同既口感，好好味! 半溶芝士配新鮮蕃茄同洋蔥令到成個漢堡更加滋味!另外粗薯條炸既時間啱啱好，熱辣辣炸起，仲要冇油膩感覺! Good! 有機會再試吓其他嘢先!

繼上次嗌左柚子雞burger（真系有陣炭烤味，柚子味令個雞fresh 左），今次叫左芝士牛肉burger 好多汁，個泰式奶茶都幾新穎，店長仲好人送左蕃茄，真系好甜。下次會再試其他。