金明苑酒家

营业中

休息中

年初二早上与家人饮早茶，觉得收费合理，于是初八晚再与其他家人前往用膳。一到步，见门口姿客染到五颜六色嘅头发，观感上已经不太妥当，不过都无所谓，我嚟食饭姐⋯点菜时，见炒/上汤浸时菜，就点了个蒜子上汤浸豆苗，因为只见西兰花要加十元，豆苗一栏并没有标明要加钱。最后食完埋单，见单上蒜子上汤浸豆苗竟要$138，询问 收银阿姐，佢用非常无礼貌嘅语气回答：「豆苗系要收138㖞！」（可惜当时无影低张单）讲真，大时大节同老人家外出用膳，唔会计较几十蚊，但系张菜单上真系无写到豆苗要加钱或者系另外一个价钱㖞⋯⋯再者，全晚枱应该坐满，无人等位嘅情况下，上菜要等好耐不在话下，叫左差不多一个钟嘅炒班球，追问下先拎嚟，上枱时碟𩠌嘅温度唔热啰⋯估计应该系唔先左张单唔知边枱客要，放到凉左等客追问至拎嚟😪全间酒楼都好难揾到个有礼貌嘅员工，唯一一个系比较低层嘅一位婶婶，见我哋食得七七八八就问我地：「食左糖水未呀？」真系临走都要揾返佢比封利是🧧仔过佢。