飼說 (已結業)

真心伏，食完一次唔会再试，亦都唔会推荐身边嘅朋友去。系我第一次食完忍唔住要写食评。。。原本睇食评同相都觉得环境几靓几文青，野食相都几吸引，心谂都值得一试。去到叫左一个沙律，系几样之中比较正常，菜唔系特别新鲜，但食得落口。之后我朋友叫左一个白酒蚬肉蕃茄意粉，意粉就好dry，蕃茄我食到有酸宿味，心谂应该系隔夜，而且无放入雪柜。蚬就多，但食到有沙。我就叫左个软壳蟹忌廉意大利饭配牛油果酱，呢个强差人意。只蟹味道正常，temopura蟹，卖相就好似蜘蛛。至于d饭。。。一碗白饭都好食过佢，饭无忌廉味，又无牛油果酱果味，淡而无味，唔明点解可以叫做risotto？重点系，价钱又贵。BTW，个厕所仲要系冲唔到水，下次冲唔到记得写住，去完先知冲唔到，一黎尴尬，二黎下位去厕所见到都想呕番食过嘅野出黎认真，去过咁多间所谓文青cafe，呢间俾我印象最深，因为食物质素差，价钱唔值，完全feel唔到系用心经营嘅文青cafe。