影片
更多
2019-02-20
650 浏览
我一向都钟意试新既日本餐厅，但系无奈尖沙嘴好评价既Omakase真系唔多。有一次，系Openrice见到呢间Sushi Mi好评如潮(由2018年3月第一个食评开始，唔够一年，已经有过百个笑脸)，所以决定试一试。而家回想起，任何一间餐厅开业一年间可以有100个笑脸，仲要无论在价钱，食物，装修，服务都只赞冇弹，其实已经系一个极大既警号。无论如何，我当时就好天真咁决定试一试食lunch。打去book位既时候，有个男人用半咸淡既广东话接听(后来知道佢就系个位寿司师傅)。我问佢唔同餐既价钱同其中食物分别既时候，佢就话贵啲个餐(大约$600)有“蟹蛋杯”，问清楚先知佢系话有个叫”海胆杯”既野。听到佢咁讲，我就话好啦，请预留两位，我准备过去。去到既时候，的确有俾间餐厅既装修吓亲(各位可以睇下其他食评既相)，不过唔系因为佢靓，而系因为同我去开既日本餐厅装修极度唔同(无论讲紧系食Omakase或一般日本餐厅)。呢间Sushi Mi的装修，整体感觉非常奇怪，俾到我一种廉价搞笑剧里面扮日本人屋企既感觉。各位可以想像下如果郑中基要系龙咁威入面拍一幕临时塔建假日本餐厅呃佢啲亲家，个间餐厅既装修会系点，Sush
无论如何，我当时就好天真咁决定试一试食lunch。
打去book位既时候，有个男人用半咸淡既广东话接听(后来知道佢就系个位寿司师傅)。我问佢唔同餐既价钱同其中食物分别既时候，佢就话贵啲个餐(大约$600)有“蟹蛋杯”，问清楚先知佢系话有个叫”海胆杯”既野。听到佢咁讲，我就话好啦，请预留两位，我准备过去。
去到既时候，的确有俾间餐厅既装修吓亲(各位可以睇下其他食评既相)，不过唔系因为佢靓，而系因为同我去开既日本餐厅装修极度唔同(无论讲紧系食Omakase或一般日本餐厅)。呢间Sushi Mi的装修，整体感觉非常奇怪，俾到我一种廉价搞笑剧里面扮日本人屋企既感觉。各位可以想像下如果郑中基要系龙咁威入面拍一幕临时塔建假日本餐厅呃佢啲亲家，个间餐厅既装修会系点，Sushi Mi就系咁。
当然，装修差都唔一定食物差，同埋现场系爆满客人既，所以我都抱著试一试既心态坐低。
食物方面，我真系唔想再回想太多，因为实在系太恐怖。好多时，我食Omakase期间都会觉得啲嘢唔够新鲜/唔好味，但系从来冇惊过会食物中毒。但系，呢间鮨见俾到呢个感觉我。差不多每一件寿司都系无味／臭／腥。每食到一件唔系又臭又腥既寿司时，夸张啲讲，我都觉得有少少感恩。
正如其余几个极少数既喊脸食评所讲，由装修(廉价临时舞台剧式装修)，到湿纸巾(简体字维达牌)，到奇怪寿司师傅本人(讲普通话+日文+广东话，整寿司期间极多奇怪动静)，到食物(腥臭无味)，到价钱(一个人$600午餐)，呢间鮨见都系一间怪胎拖世餐厅。
对于点解呢间餐厅会有咁多好评(呢啲好评大部分标题都会用上Omakase呢个字眼)，我完全想像唔到点解，亦唔想去估。可能真系正如某个喊脸食评所讲，其他人食到既寿司同见到既寿司师傅同我当日食到见到既系完全唔同，甚至我系去错左另外一间同名餐厅，咁我先可以解释到我当日既体验。虽然，当然serve我既师傅正正就系好多人相中既个位。
最后，我只系想同各位讲声小心Sushi Mi，小心Sushi Mi。
PS. 多谢关心，最后我冇肚痛既 。
张贴