影片
更多
2018-05-25
360 浏览
一行五人夜晚去开尖沙咀，见到尖沙咀新开呢间元朗冰室，心血来潮好想食，之前喺深水埗同长沙湾食过，味道非常令人回味，点知今次喺呢间分店中伏! 个炸猪手竟然系可以整得硬到连牙都就黎咬爆都咬唔开，啲肉干到柴皮。冇办法食倒，唯有同著黑衫嘅侍应反映返，佢试用刀叉去切，但都切唔开，跟住佢走过去上菜窗口嘅位置（我估应该系同厨师讲返），跟住冇几耐佢行过黎话: ”个猪手系咁架㖞，个猪手冇问题。” 跟住我觉得佢可能系唔清楚只猪手到底有几硬，基本上连刀叉都切唔开叫人点食落肚? 我话:“咁你试下咬开佢比我睇下。” 佢回应系:“我做紧野唔可以食野。” 佢再讲:“个猪手系冇问题嘅，系咁样嘅，系脆嘅。” 我心谂:“咁嘅大话都讲得出？刀叉都切唔开竟然可以话系脆嘅!？系咪当我地真系识分硬同脆!？” 我唯有都同佢讲返:“ 我明白你所形容嘅炸猪手食落应该出黎嘅效果，但而家枱上面呢只猪手并唔系你所讲果种效果，系想咬开黎食都食唔倒。” 个侍应好似有啲发悔气咁话:“咁你而家想点样？” 佢比我嘅感觉好似系我做错野咁，我同佢讲:“既然我地表达嘅你唔明，你亦坚持唔肯试下食，不如你帮我地取消呢只猪手，真系硬到完全食唔倒。”佢话:“整左嘅出
冇办法食倒，唯有同著黑衫嘅侍应反映返，佢试用刀叉去切，但都切唔开，跟住佢走过去上菜窗口嘅位置（我估应该系同厨师讲返），跟住冇几耐佢行过黎话: ”个猪手系咁架㖞，个猪手冇问题。” 跟住我觉得佢可能系唔清楚只猪手到底有几硬，基本上连刀叉都切唔开叫人点食落肚? 我话:“咁你试下咬开佢比我睇下。” 佢回应系:“我做紧野唔可以食野。” 佢再讲:“个猪手系冇问题嘅，系咁样嘅，系脆嘅。” 我心谂:“咁嘅大话都讲得出？刀叉都切唔开竟然可以话系脆嘅!？系咪当我地真系识分硬同脆!？” 我唯有都同佢讲返:“ 我明白你所形容嘅炸猪手食落应该出黎嘅效果，但而家枱上面呢只猪手并唔系你所讲果种效果，系想咬开黎食都食唔倒。” 个侍应好似有啲发悔气咁话:“咁你而家想点样？” 佢比我嘅感觉好似系我做错野咁，我同佢讲:“既然我地表达嘅你唔明，你亦坚持唔肯试下食，不如你帮我地取消呢只猪手，真系硬到完全食唔倒。”佢话:“整左嘅出黎嘅食物我地冇得取消。” 听到佢咁讲我自己个人真系非常无奈…… 既然冇得取消我地五个人亦无谓强人所难…… 毕竟个侍应都系打份工……
我唯有揾另一个著黑衫嘅侍应讲：“我地唔介意你地取消唔倒，只能够怪嘅系你地公司制度唔太弹性，请你地厨师面对返自己整出黎嘅食物。真系完全硬到食唔倒。”而今次呢个侍应都答返啲正常啲嘅答覆：“唔好意思，好的，我会转达你嘅意思比返厨师听。”
埋单果阵竟然系由好坚持话只炸猪手冇问题嘅侍应黎收钱，佢竟然自动同我讲返：“唔好意思，只猪手个厨师话可能真系煮得真耐左啲。” 听到我更加无奈，为何之前你一直坚持讲只猪手冇问题，但而家又承认话煮得耐左？不过我亦唔想再同个侍应再讲落去，埋单比钱就走了。
总括返全晚叫左以下食物：
1）厚猪扒莲藕饼饭
2）厚猪扒辛辣面
3）九州拉面
4）乳鸽
5）炸猪手
6）蒸排骨
7）蒸肉饼
其实讲真除左只炸猪手系出左意外，其余嘅食物都系非常好味，值得推介：）价钱方面喺尖沙咀吃晚饭来说都算非常抵食。一行五人，埋单都系4百几蚊（包括果只唔食得嘅炸猪手），围起上黎每人都90蚊唔洗。
张贴