影片
更多
2019-08-27
63 浏览
作为蜡笔小新既fans，知道尖沙咀有以蜡笔小新为主题既餐厅，点可以错过！餐厅设计都好贴切主题，有好多小新既摆装饰🤩连餐具都有小新～每一枱枱面都放左一set专比客人打卡用既小新竹签，相当贴心每位客人仲有一把小新扇可以拎返屋企😍😍至于食物方面，主要以中式点心为主。咸牛肉芝士西多士（$69）西多士既卖相相当之靓，好细心整成小新既头形，上面摆左小新图案既糖霜曲奇，不过块曲奇十分十分之甜，嗜甜既我食左三分一都食唔到落去，都系摆系到欣赏下好d。至于西多士，味道正常，炸得香脆，不过入面嘅馅略少，而且唔系几食到有芝士。虾虾霸霸鲜虾饺（$59）59蚊得三只虾饺，价钱几贵。虾饺味道正常，冇咩大问题，不过需要改善既地方系虾饺皮，非常难夹，虾饺同下面块叶痴得好实，每一旧夹起之后，虾饺都会失去原形😔其实解决依个问题既方法好简单，建议餐厅可以系底下块叶到薄薄扫上一层油，咁之后客人夹起既时候就省力得多。小新&friends海鲜蒸肠粉（$48）粟米花枝网球（3粒）（$59）食物嚟讲中规中矩，但价钱真系几贵，而且份量偏少，不过其实嚟得食既，主要都系买回忆，所以本身都预左贵，值得一赞既系餐厅系楼面装修同食物既卖相上，都落
餐厅设计都好贴切主题，有好多小新既摆装饰🤩
连餐具都有小新～
每一枱枱面都放左一set专比客人打卡用既小新竹签，相当贴心
每位客人仲有一把小新扇可以拎返屋企😍😍
至于食物方面，主要以中式点心为主。
咸牛肉芝士西多士（$69）
西多士既卖相相当之靓，好细心整成小新既头形，上面摆左小新图案既糖霜曲奇，不过块曲奇十分十分之甜，嗜甜既我食左三分一都食唔到落去，都系摆系到欣赏下好d。至于西多士，味道正常，炸得香脆，不过入面嘅馅略少，而且唔系几食到有芝士。
虾虾霸霸鲜虾饺（$59）
59蚊得三只虾饺，价钱几贵。虾饺味道正常，冇咩大问题，不过需要改善既地方系虾饺皮，非常难夹，虾饺同下面块叶痴得好实，每一旧夹起之后，虾饺都会失去原形😔
其实解决依个问题既方法好简单，建议餐厅可以系底下块叶到薄薄扫上一层油，咁之后客人夹起既时候就省力得多。
小新&friends海鲜蒸肠粉（$48）
粟米花枝网球（3粒）（$59）
食物嚟讲中规中矩，但价钱真系几贵，而且份量偏少，不过其实嚟得食既，主要都系买回忆，所以本身都预左贵，值得一赞既系餐厅系楼面装修同食物既卖相上，都落足心思👍🏻然而，都有少少野可以改进，以依个价位食中式点心嚟讲，都希望同出面普通茶楼有所分别，但系坐低不久系餐具上会见到明显既污迹，要自己用茶重新清洗一次，以咁既价位嚟讲依样野有点小扣分。
张贴
