スーパー丼 (駱克道) (已結業)

上一次黎试左和牛丼同刺身丼，今次系冲住蜡笔小新个雪糕咖喱饭而来！其实呢个Crossover都出左一段日子，真系赶尾班车黎食。① 雪糕咖喱吉列猪扒饭 $118其实本身系叫炸鸡饭，不过出错左都唔紧要拉。半个雪糕系细细个成日食既阿波罗雪糕筒（餐厅应该用其他牌子），插埋枝小新旗仔，几打卡able。个雪糕筒系腍腍地，不过重点系雪糕麻，沟埋落日式咖喱度，食落奶味重啲，口感厚啲，又几夹几好味！至于所谓可选辣度，我就觉得似系加多啲七味粉？呢个小新套餐仲跟两件腐皮寿司，面豉汤及一杯特饮。我拣呢杯动感超人芒果特饮味道就唔算特别，不过卖相够靓。② 日式饺子 $38煎饺子外皮唔脆，全只腍身饺子，味道唔错，就差一点香口。