辣嗎?美食

营业中

休息中

唔知由几时开始市面上越来越多食落好似橡胶咁嘅烧卖。细细个时食嘅又软又弹牙嘅鱼肉烧卖，而家已经好难揾到，作为烧卖控嘅我，偶然揾到呢一间小食店，食到以前细个时嘅味道。嚟到嘅时候见到有好多人围住买混酱肠粉，相信佢嘅肠粉应该好好食，但由于我哋一阵要去手食晚餐所以都唔够胆食咁饱，最后叫左一份烧卖（$10/8粒）。热辣辣嘅烧卖咬落软熟弹牙，唔系食落一口粉个种，而且仲有少少鱼味，配埋佢嘅甜豉油好好食！我觉得佢嘅烧卖同通达嘅好似，食落都系好好味，系以前细个街边食到个种咁嘅。好希望呢种传统嘅街头美食唔好失传落去。