辣嗎?美食

营业中

休息中

雖然喺腸粉皇隔離，但我絕對覺得佢嘅腸粉勝過隔離呢間兩姊妹（佢哋好似樣，唔知係咪孖生呢）經營嘅小食店，每逢放工時間都會有好多拎住5顏6色膠碟立食嘅打工仔同學生哥。佢有好多食物選擇，一般嘅魚蛋燒賣不在話下，仲有酸辣粉，粢飯。。。。不過我最鐘意食佢啲腸粉。佢啲腸粉爽得來黎又滑，絕對唔係蒸到梅晒嗰啲。食腸粉除左食腸粉本身，啲豉油同醬都係重點，佢啲麻醬（即係花生醬）同甜醬同豉油比例落得好好，鹹，香，甜都食到，好balance不得不提，佢個沙爹醬都唔野少，燒賣配佢別有一番風味，同齋點辣椒油完全唔同一回事，所以我每次去食都淨係食呢兩樣

明明排緊隊等買嘢食，側邊無啦啦有人插隊買嘢，佢就招呼左先，到我地買啦 就叫極都唔應，叫左2 次，佢仲要好唔想做你生意咁， 然後同你講賣哂啦！梗係啦，比插隊個位買左呀麻 嘥時間 ！

係附近攞野先順便買燒賣食果3個人己經手腳慢到痴線成村人排隊排左咁耐無啦啦有d人係另一邊插隊買又照賣喎終於招呼排左勁耐d人，竟然話賣哂，一係要等你話有無搞錯先….

話說近排真係超級鍾意食格仔餅，甚至加入咗社交平台嘅格仔餅關注組，希望可以食到晒全香港最好食嘅格仔餅今日本身諗住去附近有間出名嘅格仔餅試吓，點知冇開所以就就近見到有間小食店有格仔餅就買咗抵嚟試吓，味道又出奇嘅好喎格仔餅$16$16底算係正常價錢，即整即叫熱辣辣老闆態度非常之好，有咩要求鍾意多醬少奶定走牛油都可以同佢講一拎上手熱辣辣，面層脆卜卜裏面好鬆軟，正宗好食嘅格仔餅口感啲醬就唔算俾得特別多，但係勝在個餅底都夠好食，好快就食完

週末下晝四點幾都keep住有人排隊買+食緊。大家攞住個碟一齊係後巷食同一樣嘢都幾有feel。嗌咗腸粉同燒賣，腸粉夠滑，混醬勁香，燒賣就正正常常，食完好c fuk。大家經過灣仔建議試下!

平時係灣仔食腸粉，都係食XＸ皇，今日得閒，就轉下食呢間。世事就係咁，當係揀定一間，呢個時候就會見到全世界去晒另一間。首先都要讚下服務態度，收銀呀姐好nice好有禮貌，會盡力滿足客人需求。腸粉嘅醬係好足料，又超多芝麻，但真係好可惜，靈魂嘅腸粉過熟，每夾一下都斷，搞到碎濕濕，食落唔過癮......試過一次，以後都係食返隔離鋪算...除非你純粹想體驗呢條巷仔的Style，又或是遇上隔離鋪排長龍，係嘅話，兩間都無所謂...

放工在灣仔有D餓！見到排哂隊！有排末有得食晚飯！一於買小食先！雞蛋仔是街頭受歡迎小食之一！入口很脆口，入面又有蛋糕柔軟口感，散發著蛋香！13蚊真係好抵食呀！有很多不同小食選擇！

上回分享的是我的其中一款comfort food，但comfort food又豈只有一樣呢？腸粉也是啊！混醬腸粉對每位香港人來說都是從小吃到大的食品，說到灣仔區最具人氣的腸粉店，應該離不開以下這家混醬腸粉 $10/4條這個價錢不算太便宜，一年前後已漲價25%，只是在灣仔這地段來說是還可以而已～ 排隊光顧的人不少，可能因為到訪當日旁邊的小食店沒營業的關係所致；雖然客人多而且有超過大半數都在買腸粉吃，不過到手的腸粉依然熱氣騰騰，代表腸粉蒸得夠熱夠透！腸粉剔透有光澤，口感滑溜偏軟身，米香有但不算突出；吃齋腸粉最重點是醬汁，店家這邊沒有自助式加入醬料，想吃出個人化口味請記得在下單時特別跟店員要求，醬汁份量很多不怕沒醬吃，甜醬不重鹹味麻醬也香口，加入白芝麻粒餓味道層次更豐富，最重要的是份量不少，性價比算不錯～店家所在位置並非在地鐵站附近，勝在處於轉角位置加上附近不乏學校跟公司所以人流不絕～ 這店早在腸粉關注組聞名已久，跟隔壁的小食店競爭激烈，特別是腸粉控對兩家的出品都各有擁載者不分高下！到訪當日只吃了其中一家實在基以比較；加上每人對腸粉的味道、口感各有見解，縱然未有機會吃另一店鋪出品，但只能說兩

尋日食晏嗰陣經過灣仔，突然之間好想食燒賣腸粉，就行咗過去摩利臣山IVE附近睇下有咩好食。一去到見到兩間都係買差唔多嘅嘢，結果就揀咗呢一間叫做辣嗎嘅舖頭試試佢，我諗住佢叫得做辣嗎，咁佢應該對自己啲辣嘢會好有信心嘅，咁我就嗌咗個一份燒賣試一試，咩醬都唔落，淨係落麻辣。點知一食返唔到轉頭，真係好好味，首先，佢啲燒賣唔係一啲垃圾燒賣，又唔會蒸到過曬火位，或者太濕太乾，跟住個重點嚟喇，就係個麻辣醬，真係同燒賣非常之夾。一定有下次

🇭🇰街坊價$13一底雞蛋仔外脆內煙韌 焦糖香超驚喜😍掃街必食燒賣、腸粉 😋開聲聽 🔉 超脆👂🏻🐭 米奇老豬Vol. 367 🐷老豬同事們都好鍾意買辣嗎嘅燒賣同混醬腸粉佢地嘅秘制汁的確好惹味 👍🏻不過又未至於wow 🤭平時食開隔離幾個舖位嘅媽咪雞蛋仔但見有好多人排隊所以就順勢試新野 點知尋獲左個瑰寶 😍.🐖🐖 《雞蛋仔》🐖🐖 💰$13💰老豬睇住佢地係即叫即整嘅 拎上手熱辣辣 🔥 好輕身切面見到「空氣半 蛋漿半」嘅黃金比例 😍外殼偏薄身 好似雞蛋餅咁脆口 🦷個心就係微煙韌嘅雞蛋糕口感蛋味正常 但出奇地有焦糖香 🤤唔知係咪因為原本係0期望嘅原因覺得個口感同味道都驚艷 🤩.❣️🐭總評分🐷❣️味道：8.4/10 服務：8.2/10環境：N/ACP值：✴️ 高 ✴️ ENCORE：✅.自費️⭕/試食.📍 辣嗎？美食 📍灣仔道177-179號保和大廈地下C號舖#米奇老豬_灣仔區#米奇老豬_窩夫班戟#辣嗎美食 #雞蛋仔 #格仔餅 #奶醬多 #燒賣 #腸粉 #腸粉燒賣 #混醬腸粉 #香港美食 #香港小食 #大牌檔 #魚蛋 #灣仔美食 #灣仔好去處 #銅鑼灣美食 #銅鑼灣好去處 #港式點心 #港式甜品 #港式下午茶

灣仔多野食， 但抵食夾好食唔多。宜家一底雞蛋仔閒閒地$25以上，升幅坐左火箭咁， 比多幾蚊食到個雙餸飯。難得呢間小食店仲用緊時光倒流價錢，雖然第一次食到宜家都加左$2， 但都仲係良心價$13！唔同其他小食店整定係到，佢係即叫即整，保證脆皮！一出爐仲有陣陣焦香，唔知以為係碳燒，超好食呀！！最重要唔太甜，個人認為好食過娘親果間！其他小食好似《街頭三寶$16》都推薦，招牌沙嗲汁，蘿蔔超入味！唯一要彈就係，小店竟然選擇係收銀當眼處放烏蠅紙 ，上面痴滿戰利品。係有d唔開胃嘅，但真都冇阻我keep住返啅佢個雞蛋仔！

放工未夠鐘食飯但係又有啲肚餓揾啲小食醫肚身為燒賣關注組嘅資深會員緊係食燒賣😬呢間出名麻辣汁但唔記得咗冇加，失䇿！雖然只係普通辣油油香夠出，已經好惹味😝蒸得岩岩好，口感一流食落好煙韌皮夠薄，唔個痴住或者爛麵粉感唔會好重豉油甜甜地，似港式甜豉油係好食嘅$10/8粒，好抵食當小食就岩 唔會太飽又夠平用牙簽桔又方便快捷係街邊食都唔緊要仲係香港風味同食物文化一種喺附近返工嘅話，做早餐都唔錯唔知多唔多人排長龍呢

好耐冇食過腸粉，經過見這間經常有人等，於是乎決定辣嗎買個全餐$20，有腸粉燒賣魚蛋，企係條街食，平靚正，腸粉夠熱，啲醬汁都好味，老板又有禮，下次會再嚟幫襯這間。

而家銅鑼灣灣仔唔多有街邊小食 呢間每次經過都排長龍雖然街頭小食明知唔係咁乾淨咁衛生 但呢間環境系差啲幾多烏蠅吓 🙈 價錢算平 店員都好有禮貌 食物不過不失 過吓口癮還可以 街頭三寶 HKD$16 可以揀三款可以揀豬皮 魚蛋 魷魚 蘿蔔 燒賣 牛柏葉 牛丸 貢丸 墨魚丸，醬汁可以揀咖喱汁 麻辣汁 沙嗲汁，今次揀咗魷魚 魚蛋 (4粒) 燒賣 (4粒) 咖喱汁🦑 魷魚係玻璃魷魚 但係偏硬咗啲🟡 魚蛋夠彈牙 但係魚蛋唔係浸喺咖喱汁入面 所以冇乜味 淨係靠家喺上面嘅咖喱汁🥟 魚肉燒賣 煙靭唔會太粉咖喱汁嘅惹味 重蒜香混醬腸粉HKD$8 四條腸粉幾滑份量好大唯一係豉油唔夠甜又唔夠鹹，係靠個甜醬同芝麻醬 但係呢個價錢真係好平又抵食煎釀三寶 HKD$20 9件唔係喺小店入邊炸 借用隔離餐廳廚房嘅炸爐 熱辣辣每件比起出邊偏細啲揀咗豆腐同矮瓜 ，豆腐炸得到濕潤 矮瓜唔會太硬或太淋📍灣仔灣仔道177-179號保和大廈地下C舖 🇭🇰

上網見到xx關注組，講灣仔有兩間賣腸粉、燒賣大比拼。今晚襯返學前去試試！肉眼見”腸粉皇”比較多人排隊，但我綜合左網上意見，決定試試”辣嗎?美食”🤣睇到門口貼晒餐牌，真係有好多小食選擇，我就叫左”腸粉全餐”咩都有嘛！🤭💰$20 “腸粉全餐”有4條腸粉、5粒魚蛋、5粒燒賣，真心係抵既，而家出面一串魚蛋都十幾蚊😑腸粉令面有光澤，又滑又彈牙，最重要勁多混醬，食落又香又好味。😋燒賣有魚肉香，煙靭有口感👍🏻魚蛋正常啦！總結價錢平宜，小食有質素，經開值得一試！😬