熊小館 (已結業)

天气好，出街既动力都大D，同小朋友去将军澳新都城商场Windows Shopping 发现呢个疫情都令商场入边既舖，面目全非。有个借口同小朋友试新野，High Tea 就最开心。熊小馆，门口大大只熊bear bear 就吸引到左小朋友入去。 入到舖，全部都系熊仔装饰，少女心既我地当然就坐底试下。每张枱都有个细熊bear bear陪住我地食野，店员哥哥见我大囡自己坐，仲抱左只大bear bear过黎陪佢坐，真系超sweet 。今次我地叫左芝士焗肉酱千层面，同埋小熊套餐(即系儿童餐) ，另外叫左杯黑熊。芝士焗肉酱千层面，升级左加埋餐汤同蒜蓉包。千层面芝士多到好似汤咁又香又浓，可惜系唔知咩原因，个千层面有D位置有D硬，好似干左咁咬唔开。儿童餐有天妇罗虾，鸡翼，薯条，粟米同啫喱，样样都系小朋友钟意食既野，天妇罗个外层酥脆，鸡翼juicy ，最吸精一定系熊仔头啫喱。唔止啫喱架，连黑熊入边都有只士多啤梨味既冰熊坐左系朱古力雪糕隔离。每上一样菜，小朋友开心到哗哗声，钟意熊既你地，去熊小馆就一定好开心。