Foodeli (形點 I)

营业中

休息中

Yoho 开左新food court, 装修好似几舒服，所以去左试试。Food court 嘅好处就系可以试晒唔同嘅嘢食，下次大家有机会嚟呢头揾好嘢食嘅话可以试下呢间“板神”，因为佢除咗主食仲有好多日式小食，可以过下口瘾。由于本人对薯条有情有独钟，俾我见到就一定要摆落口，今次试咗佢嘅黑松露蛋黄酱薯条，份量都好公道，松露只咩本身都比较浓，但配咗蛋黄酱同薯条就变得好夹。另外佢个章鱼大阪烧都有惊喜，因为章鱼好新鲜同大大件！至于主食就叫咗一间舖位比较入但好抵食嘅“花甲年华”,佢哋招牌嘅花甲粉有好多唔同配搭，而且送嘢饮。今次试咗配肥牛嘅粉丝，出嚟嘅时候大大碗已经好够睇头，而且用锡纸包住保温，好有心思。打开锡纸之后汤底嘅蒜香味就扑向我个鼻，牛肉同蚬肉都好足料，再配埋个蒜香汤，真系好野味！再加多个招牌焗蚝，肥美多汁，不得了！虽然而加疫情Food court露台嘅游乐场封左，但系如果迟啲开返，小朋友就可以边玩边食，而大人就可以系露台对住开阳风景食嘢，会系个hangout好地方！