麵麵店 (已結業)

我2个小朋友都好钟意食面，车仔面够多选择，近排佢仲有8折，我地一家差不多每星期都帮衬一次，QR code手机落单系小朋友唯一可以用妈妈电话的时候，哈！大仔最爱鸡亦同午餐肉，卤水鸡翼好入味，午餐肉厚厚嘅，小朋友至爱，而我就最钟意食佢嘅鱼蛋同埋蟹子丸，清汤我加咗腩汁，味道更加惹味，但亦唔会太油，小朋友食到津津有味。而我老公每次都会食呢度嘅麻辣莲藕，因为出边比较少机会食到，而且系另外用碟上，啲辣味唔会过到落汤底，小朋友亦都可以食到爸爸碗面。爸爸话食车仔面梗系要食返啲传统野，所以佢每次都会食牛柏叶，猪皮，萝卜，而今次我第一次食南乳鸡翼，原来系炸鸡翼，用南乳汁腌到d味入晒鸡翼入边，好味又juicy。我细仔唔好睇佢细细粒两岁人仔次次去亲食车仔面，都比佢平时喺屋企食得多，油面系佢嘅最爱，另外豆腐够软滑亦都非常啱佢口味，所以呢度我哋全家人都好钟意食，已经差不多成为我哋屋企半个饭堂了。