部屋咖啡室

楼上cafe唔系我嘅童年回忆，但会系我嘅拍拖回忆🥹事隔多年之后再去楼上cafe，系同自己小朋友去😆一边食嘢一边玩桌游，咁就可以hea左一个下午。呢度全部都系靠窗嘅卡位，椅背颇高，可以隔开每台客人，更可以增加私隐度。一坐底，职员就俾咗块白板我哋，可以自己落单，喺白板写低交俾职员就得啦，好特别。忌廉烟三文鱼意粉$138两大块烟三文鱼铺喺意粉上面，白汁忌廉浓稠度刚好，意粉不算太硬，口感有弹性。All day breakfast $128沙律菜新鲜，炒蛋软滑好juicy ，烟肉份量颇多，有点咸，配埋多士食啱啱好。小红帽（跟餐+$22）我哋点左一杯士多啤梨奶昔，奶昔又浓又香，质感就像溶化了的雪糕。食完嘢仲可以玩一阵，部屋提供多款桌游任玩。