鼎泰豐

营业中

休息中

前几日同朋友去尖沙咀，剩低唯一一间鼎泰丰，因为挂住啲小笼包同埋汤面，点知入到去，发觉原有𠮶啲好舒服嘅卡位座位都已经改晒，装修过，变成好多方枱位，再冇得好舒适咁五、六个人，自成一国，倾吓食吓，就已经有啲失望，坐低叫咗招牌小笼包、汤面、炒饭等等，首先发觉小笼包啲水准真系下降咗好多，小笼包嘅馅料以前非常鲜味，汤汁亦都好丰富，而家包皮厚咗，包馅里面的鲜肉馅亦都变得好松散，肉汁亦都唔够鲜味，然后再嚟咗一个清炖牛腱汤面，以前啲清汤系好有牛肉味，但系唔油腻，好清，真系可以饮，而家觉得𠮶种鲜味已经少咗好多，反而多咗嘅系调味料嘅味，牛腱就不过不失，份量亦都OK，但系呢汤面就真系唔得啦，以前𠮶啲汤面系弹牙同埋爽口嘅，而家𠮶啲黐成一团，即使加咗汤汁，之后再泡过，都系冇咗以前嘅水准，另外一个虾仁炒饭，就叫做系最保持到，虾仁虽然唔系新鲜虾，食得出系雪藏嘅，但系起码都够大只，同埋说雪得来都系鲜甜，炒饭好干身，加咗蛋之后好有质感，香口有蛋味，系几个点嘅𩠌里面，最能够保持水准嘅。虽然下午茶嘅时段人流好少，招呼亦都唔错，不过因为觉得试过嘅食物啲水准都跌咗好多，装修又再冇以前咁舒服，所以下次应该唔会再去啦，除非系去返佢喺