Chalet (已結業)

*Chalet*-小木屋朋友去过推介我去，提及装修很别致，食物亦很有诚意，所以在纪念日去试试。柯打咗set dinner是日餐汤 杂菜汤~浓度调教得非常好并配一件餐包 ，餐包有惊喜好好食， 外脆内软，忍唔住再叫多一客。前菜拣咗~烟三文鱼包青瓜配以三文鱼籽，味道相当配合，好清新，三文鱼籽非常鲜味。主菜~油封鸭髀意式炸饭团配芒果橙莎莎，鸭脾皮脆肉嫩，饭团好特别，口感唔错，芒果沙沙酸酸甜甜好醒胃。甜品~今次甜品系奶冻，面头有啲红莓酱，牛乳味道香浓，甜味刚好。另外，再柯打咗一啲小食~帝王蟹饼配蛋黄芥末酱，蛋黄芥末混合喺蟹饼入面，而且蟹肉好多，外边煎到脆脆地，香脆好味。再加多一客匈牙利牛尾汤及芝士薯条，都系必食之选。