小桃咖啡室 (已結業)

同两个朋友去铜锣湾行街，行到攰揾到间楼上餐厅，就决定入去坐下，小桃咖啡室令人感觉舒适，仲睇到几令的街景。睇左一阵餐牌，发现除左散叫之外，仲有几个套餐可以拣，最后我地决定食套餐B。头盘系法式蒜蓉包配沙律，原本以为同平时食既沙律差唔多，上菜先发现原来唔系蔬菜加水果咁简单，而系长通粉加其他配料，食落好特别。小食可以叫两款，我地就拣左炸椒盐脆皮肠同法国酥皮田螺，咖啡室会因应人数调整份量，咁就可以人人都有份食，唔洗怕唔够分。主菜就拣左意大利卡邦尼意粉，除左份量十足之外，酱汁都值得一赞，有香浓的芝士味配合烟肉同蘑菇，比起外面餐厅食既有过之而无不及。唔少得餐厅的皇牌，肉酱薯条配酱烧猪肋骨，薯条配肉酱食，别具风味，猪肋骨香口，令人一试难忘。套餐仲包甜品同一人一杯饮品，好抵食。