慶麵 (已搬遷) 新店位置

大角咀有好多小店，每次嚟都可以试到唔同嘅小店，好喜欢哩个小区。今次嚟到庆面哩间中菜小店，位置非常方便，系天桥一行就到。店舖装修简约时尚。选择分左几类，款式都较为特别，可以话系崭新嘅中菜。而且价钱合理，份量足。特色山葵鸡丝冷面系全晚嘅亮点。一大碗，面条有咬口，青瓜丝幼细而爽口，鸡丝尚算嫩。特色山葵酱将三种平庸嘅材料升华。山葵酱不会过浓，恰到好处，质地好似沙律酱，味道清香，令人越食越开胃。另一款巴东牛肉条捞面系浓味之选。牛肉份量都多，大大件，加入左好多香料去煮，所以味道较重。牛肉系有少少鞋。最正系d萝卜索哂d汁。不过，个捞面嘅面条煮过龙，太淋，口感欠奉。最后上一碟生煎包。本来系小笼包同生煎包中谂左好耐，最后都系香口嘅生煎包获胜，小笼包留返下次再试。生煎包都好出色，即叫即整，要等。底部脆口，包面嘅葱同芝麻令包更香口。一咬好多肉汁咇出嚟，肉汁又多又鲜甜。肉馅都几多，猪肉都几嫩，亦唔会有太多肥肉。哩个一定要亲热食！庆面推介俾食厌左传统中菜嘅人，哩到你会揾到味道不俗嘅新口味！