臺茶•薈 (已結業)

场内环境舒适，好光猛。楼上都仲有一层，不过果日比人包场了，如果一大班人开party就岩晒啦。台茶荟炒米粉入面有肉燥，手撕鸡，肉松等等，再加埋只流心太阳蛋，劲惹味，份量亦起级多。而且佢呢度用既米粉系用幼米粉，唔系平时出街食果d新竹米粉，好食好多。招牌红烧牛肉面可以拣有少少辣嘅香浓汤底，挂上口感弹牙的面，真系想不停咁食，牛筋牛肉份量都多，牛味浓郁，口感好好，萝卜好林好入味。盐酥鸡扒肉质多汁，炸得刚刚好唔会干。好香口。煎蚝饼真系估佢唔到，台式餐厅竟然有煎蚝饼唔系柯仔煎，叫左个2人份量，即叫即煎，劲好食，仲有鱼露配埋，有惊喜。冬瓜茶好香味道清新自然唔会太甜珍珠奶茶正常，珍珠唔会过硬最后叫左烧仙草，开头唔知烧仙草同仙草冻有乜分别，原来即系一个热一个冻，芋圆地瓜圆软身够QQ，个人比较喜欢地瓜圆多d，味重d。