阿夫利拉麵 (The ONE)

营业中

休息中

日本拉面店阿夫利，出名食柚子拉面，依加喺尖沙咀The One有得食，即刻去试下。餐厅装修简洁，两边落地玻璃，好有简约美。柚子盐味拉面💰$98阿夫利出名食柚子拉面，呢款盐味拉面汤头清甜，有淡淡嘅柚子味，好夹。叉烧同糖心蛋都唔错，叉烧有轻轻烧过表面，有微微嘅焦香，半肥瘦食落有油香又唔会过腻。拉面较为幼身，煮得唔软烂，不过如果可以系粗身拉面可以有更好嘅口感。柚子甘露沾面💰$108沾面汤系冻嘅，柚子味好香，仲有柚子醋嘅酸味，好清新，加埋香葱同芝蔴非常好食。沾面用嘅系粗身拉面，好弹牙，睇真啲系有嘅好似麦粒嘅点点喺拉面入面。角切叉烧肥瘦均匀，份量略少。唐扬炸鸡💰$68炸鸡味道偏咸，有少少雪味，炸得略为干身。炸软壳蟹包💰$58包食落好似台湾嘅刈包，原只软壳蟹，炸得酥脆唔油腻，配上少少辣嘅沙律酱，好食。