Ocio オシオ (已結業)

嚟荷里活广场，通常都系睇戏😂原来Ocio上年喺钻石山开咗分店，装潢以木系同白色等浅色系为主，中间仲摆放咗一棵真树！餐厅主打日系甜品同唔同类型嘅菜式。今次一于嚟试下佢个招牌甜品！ 芝士焗波士顿龙虾拿破仑海鲜手工面🦞🍝香浓嘅芝士铺喺龙虾上面，龙虾肉质厚实，手工面质弹牙，裹满茄汁，酸酸甜甜，极速KO😂 露丝玛莉烤焗烧春鸡🌿🐓皮脆肉嫩，一啲都唔肥腻，rosemary香味突出，平均涂抹喺鸡上面。唔点汁都好juicy，蘸上酱汁又系另一番风味。 迷你芝士流心蛋烧南瓜㶽伴脆皮单骨鸡翼🍗南瓜入面系芝士同流心蛋，邪恶到呢！脆皮鸡翼点芝士流心蛋，好creamy。仲可以刮埋啲好甜嘅南瓜肉出嚟食添！ 奥斯蜜瓜雪山热香饼 (加云尼拿雪糕)🍈必点甜品！以为冇雪糕所以加咗一球云尼拿雪糕，点知原来本身已经有🤭一啖有齐软棉棉嘅热香饼、脆卜卜嘅蜜糖星星、奶滑嘅云尼拿雪糕、清甜嘅新鲜蜜瓜，口感层次十分丰富。