The Artlab by Favilla (已結業)

今次拣左呢间日系咖啡店同朋友庆生，装修主要行自然木系muji风，睇相已经觉得几舒服，想试一试，系openrice book定枱仲有折！今次叫左两个主食同两杯饮品。烟三文鱼羽衣甘蓝刁草忌廉扁意粉（$116）造型好精致，意粉熟度完美，有咬口但唔痴牙，刁草忌廉汁几香唔太腻。慢煮封门牛柳定食（$135）性价比超高嘅定食，配面豉汤、沙律、薯蓉、白饭，慢煮牛柳好软身，食落好香浓嘅牛味，配菜都好丰富！Mocha 朱古力味较淡但咖啡味较浓，比较适合钟意偏苦mocha嘅人。Earl Grey Yuzu Soda 睇落平平无奇但有惊喜，柚子嘅酸甜同伯爵茶嘅茶香原来好夹，饮落几清新！环境舒服，食物有质素，晚餐折后人均$130都算可接受。