佐賀山田 (已結業)

同同为牛魔王嘅阿爸食嘢，拣咗青衣呢间任食美国牛小排火锅，任食唔嬲。樱花虾沙嗲锅香浓花生酱味，肉类充分吸收咗沙嗲味，唔洗点酱油。淡口味同小清新之选有真夏柚子汤。成个锅有淡淡柚子香味，料头入面都有好多柚子蓉。第一次试柚子锅，连我呢个重口味都好钟意呢个清香汤底。柚子锅仲有6-7 只大大只蚬，蚬味令汤底锦上添花，个人觉得汤式配蔬果最正，蕃茄吸晒蚬味，好鲜甜。而配牛肉嘅话，相对下更食得出牛味。肉质高质，令我地疯狂食牛小排。牛小排肉质鲜美，口感嫩滑。美国和牛油脂花纹较牛小排多，牛脂更多。而牛肩肉就口感系三款内最结实，较为有咬口。牛舌薄切，吸到汤味。配料选择正常，有一两款特别，例如鱼板三文治同芝士蟹柳。但质素有惊喜，同平时街市买嘅唔同，丸类弹口，有食材鲜味，鱼糕同埋墨汁丸都值得食。食到饱一饱都要食甜品食Meji雪条。平时冇点见、原来都有好多口味。食咗蓝莓乳酪、抹茶红豆同埋牛乳红豆。排名系抹茶> 牛乳红豆> 蓝莓。最钟意雪条入面练奶部分，雪到好冻带点Q弹麻薯口感。