影片
更多
2019-09-27
407 浏览
星期五我个friend又喺长沙湾返工，所以可以一齐食晏😊。今次到我行去佢𠮶边揾食，佢话同事讲起有间新开越南嘢，我哋又去试下先。位置近苏屋邨，地铁站出向上行10分钟到就到，唔难揾，因为只要行到尾再转左就系。下午一点去到坐满哂人，不过好彩有位，店舖好细，我估最多只可以坐廿人到，但好光猛好整洁，亦唔会话太逼👍，而且冷气充足，行完嚟真系有点热嘛。呢到有Lunch Menu，有五六款粉拣，捞檬同汤粉都有，包基本饮品，另外加$10可以有一款小食。我哋一人叫咗碗粉，加咗一样小食同一份三文治🥪。🐂生牛肉汤粉($45)，唔记得叫走葱添，有好多配料洋葱、芽菜、薄荷叶等等，望落好吸引！汤头入味，唔浊，够热好饮，唔系味精，饮完唔会口渴。生牛肉份量都唔少，但要衬热渌熟佢，肥牛味道都唔错，食到牛肉味👍。碗粉份量就唔算大，不过都够饱。🦐🦑海鲜蕃茄虾头膏汤檬($55)，朋友食呢个，我就试咗啖都ok，食到蕃茄味🍅。朋友赞食得出个汤唔系用茄膏开🙅🏻♀️🥫，佢落埋辣椒🌶️食，成个汤饮哂。海鲜份量唔孤寒，有两只青口同堆虾仔、鱿鱼仔同蚬仔，虽然大部份都比较细粒🙈。小食要咗香煎鱼饼(3件)(+$10)，都几抵食。估唔到鱼饼都几辣，
星期五我个friend又喺长沙湾返工，所以可以一齐食晏😊。今次到我行去佢𠮶边揾食，佢话同事讲起有间新开越南嘢，我哋又去试下先。位置近苏屋邨，地铁站出向上行10分钟到就到，唔难揾，因为只要行到尾再转左就系。
下午一点去到坐满哂人，不过好彩有位，店舖好细，我估最多只可以坐廿人到，但好光猛好整洁，亦唔会话太逼👍，而且冷气充足，行完嚟真系有点热嘛。呢到有Lunch Menu，有五六款粉拣，捞檬同汤粉都有，包基本饮品，另外加$10可以有一款小食。我哋一人叫咗碗粉，加咗一样小食同一份三文治🥪。
$45
12 浏览
0 赞好
0 留言
🐂生牛肉汤粉($45)，唔记得叫走葱添，有好多配料洋葱、芽菜、薄荷叶等等，望落好吸引！汤头入味，唔浊，够热好饮，唔系味精，饮完唔会口渴。生牛肉份量都唔少，但要衬热渌熟佢，肥牛味道都唔错，食到牛肉味👍。碗粉份量就唔算大，不过都够饱。
$55
12 浏览
0 赞好
0 留言
🦐🦑海鲜蕃茄虾头膏汤檬($55)，朋友食呢个，我就试咗啖都ok，食到蕃茄味🍅。朋友赞食得出个汤唔系用茄膏开🙅🏻♀️🥫，佢落埋辣椒🌶️食，成个汤饮哂。海鲜份量唔孤寒，有两只青口同堆虾仔、鱿鱼仔同蚬仔，虽然大部份都比较细粒🙈。
10 浏览
0 赞好
0 留言
小食要咗香煎鱼饼(3件)(+$10)，都几抵食。估唔到鱼饼都几辣，好似唔系出面啲汁，而系鱼饼本身，但好惹味🤤。
$45
24 浏览
0 赞好
0 留言
$45
7 浏览
0 赞好
0 留言
另外大食嘅我哋仲嗌咗份🥖越式猪扒三文治($45)，叫嘅时候一直幻想系公司三文治嘅样，但嚟到就发现系㖞系越式法包先啱！佢个名有啲误导😂，一条法包仔潜艇切开咗三嚿，有好多馅，包括萝卜丝、蕃茄同生菜，但块🐷猪扒就细咗啲。本身见到法包就变咗无乜期待，因为惊会好硬，但一食就发现同我想像中完全相反，佢个包系脆到好似食紧生菜咁！好爽好正，个包配埋啲馅好好食😋，所以两三啖食完唔够喉。呢个强烈推介👍👍👍。
8 浏览
0 赞好
0 留言
最后饮品我哋各自都加咗$8转特饮，青柠薄荷梳打同咸柠檬七喜。前者系我叫嘅，好清新同解渴，唔会太甜，非常唔错😊。
总括嚟讲，认真我无谂过呢间小店嘅食物质素咁好，用心制作，绝对唔会比大舖或连锁店逊色，其中生牛肉汤粉同越式猪扒三文治真系好出色😋，价钱亦都相宜。店员一脚踢但都好友善，餐厅环境细细，但有一份小清新🍃嘅感觉，其中可能系因为我隔离个蓝芽音响播紧啲流水声，真系好有feel。唯一有啲可惜系位置有点吊脚，但如果嚟开长沙滩呢头，真系可以试吓呢间小店🇻🇳👍。
张贴
