The Pantry Cafe

营业中

休息中

好耐无返过嚟葵芳，呢度真系开咗好多新餐厅，朋友话呢间好食，咁就一于嚟试吓啦。不过估唔到六点几已经有咁多人，如果想嚟嘅话记住早啲到啊。一坐低睇完Menu，就忍唔住叫咗个爆谷虾先，因为见到隔篱枱嘅好似好吸引。等咗一阵就上枱啦，系新鲜乍起嘅，而且旧虾好大嚿，配埋佢嘅酱汁真系好夹呀。我嘅主菜就嗌咗带子意粉，估佢唔到个带子咁大嚿，而且酱汁同意粉好夹，越食越开胃啊。我朋友就叫咗煎牛扒配薯条，我见到个牛扒煎嘅时间啱啱好，叫咗五成熟就真系啱啱好五成熟。我试咗一旧，估唔到佢嘅牛扒拍得住出面专食牛扒嘅西餐，好重牛味，而且好香又系唔使点汁就食得。另外佢嘅薯条都炸得好脆，佢除咗主菜好食，啲配菜都好好食呀。另外我哋仲叫咗个炸鸡翼，炸鸡翼有成六只，炸得好香脆，而且好肥美。呢间餐厅又平又好食，唔怪得咁多客人啦。而且佢嘅座位好阔落，好适合一大班朋友嚟聚会或者食饭啦。