Just Eat (已結業)

好耐冇同老公出去行街食饭，难得到weekend可以轻松一下，我就带咗佢去西营盘度食间新开嘅越南菜。地点非常方便，好近地铁站。餐厅装潢简约，干净企理。我地叫左个牙车快卷(HKD 48)，红咖喱牛柳粒 (HKD 188)同埋蒜香牛油鸡翼 (HKD 36)。至于饮品就叫左青柠梳打(HKD 24)和菠萝冰 (HKD 38)。个牙车快卷卖相唔错，有好多蔬菜，好有越南传统风味，个人觉得系几好既开胃菜。跟住黎既就系鸡翼，未食已闻到阵阵蒜香，鸡翼几大只，皮脆肉嫩，仲有好香浓嘅牛油味。个咖哩牛柳粒，个人觉得略带微辣，牛柳粒好鲜嫩，口感唔错。至于个饮品，两杯都好清新冰凉，啱哂炎热既夏天。个人比较钟意菠萝冰，因为我好钟意啖啖香甜既菠萝肉。