大頭蝦南風海鮮酒家

营业中

休息中

今次嚟到呢间叫大头虾南风海鲜酒家，系东涌一间较隐世嘅大排档。今次系平日去食 到咗夜晚食饭时间都坐到7成满，环境够大阔落 几适合一大班朋友一齐倾计聚脚。📌四川麻辣鸡煲 （半只）第一样嚟咗呢个麻辣鸡煲，食落唔会太死辣 仲有鸡肉都够嫩滑，好足洋葱同香料。兼且佢会有个炉比埋煮住食，越食越惹味。📌避风塘茄子平时食避风塘炒蟹多，但估唔到呢个避风塘茄子都有惊喜！炸粉冇话太厚，仲要做到外脆内软。再加埋避风塘香料炒埋一齐，真系食唔停口。📌南风小炒王呢粉小炒超足料，除咗韭菜花，仲有腰果、虾、带子、虾米同鱿鱼。炒到好爽口又唔会太油，啱晒攞嚟𩠌饭食。