集眾菜館

营业中

休息中

星期六食Lunch想豐富少少，於是就叫咗個乾炒牛河另外再加多兩個小菜︰椒鹽炸豆腐同金薯安格斯牛柳粒。乾炒牛河炒得好夠鑊氣，D河粉炒到少少燶邊兼唔會黐埋一齊，油量比我想像中少，D牛肉都嫩嘅似乎無用梳打粉乸過，連埋D芽菜仔同韭黃，好味。金薯安格斯牛柳粒嘅金薯(即係炸薯仔粒)比起個安格斯牛柳粒更好食，可能係因為吸晒D牛肉同埋個汁嘅味，好惹味。椒鹽炸豆腐(其實好似叫黃金豆腐)原來係豆腐粒而唔係大大件嘅豆腐，豆腐粒好滑，我覺得呢個餸同金薯安格斯牛柳粒用黎餸啤酒應該好正。