影片
更多
2024-03-16
208 浏览
今次有朋友推荐位于深水埗嘅酒家，在深水埗站D2出口行5分钟就到，呢间酒家有齐中式小炒、凉菜同海鲜，可以满足晒咁多人嘅喜好。餐厅酒楼嘅装饰真系好经典，外表系一间平平冇奇的酒家，内里却充满地道港式风味的海鲜大排档。我哋嚟到嘅时候都好早，所以唔算好多人，但系坐咗一阵之后成个场爆晒！虽然佢有2间舖位，地方都算大，但人流非常多，座无虚席，如果真系想确保有位嘅话，最好都系打电话嚟订枱。虽然晚市人多，但上菜速度都好快，而每碟份量都算多，味道都好有镬气，不会因为人多而影响质素。好味酱烤骨我以为系金沙骨之类（一字排），点知原来系将肉腩煮熟再淋上汁（系炆不似烤），做法有点和东坡肉相似，完全同个名不同，味道一般，上面放咗一块大菠萝，然后再用较剪帮你剪开。避风塘赖尿虾肉没想过濑尿虾不用自己剥壳（不用拆骨的确系很大的卖点），啖啖肉非常好食，赖尿虾味好浓，肉质鲜味，同埋炸过嘅蒜一齐食真系好正。椒盐鲜鱿有避风塘赖尿虾打头阵，即时比下去，下次可以不用叫（似土鱿多过鲜鱿，个粉厚左啲） 沙姜冻猪手猪手系冻食的，无猪骚味，非常清爽有弹性，唔会过硬，亦唔会过冧，肉质鲜嫩，质感富含骨胶原有咬口，不太咸，葱辣椒好多，调味亦都相对
我哋嚟到嘅时候都好早，所以唔算好多人，但系坐咗一阵之后成个场爆晒！虽然佢有2间舖位，地方都算大，但人流非常多，座无虚席，如果真系想确保有位嘅话，最好都系打电话嚟订枱。虽然晚市人多，但上菜速度都好快，而每碟份量都算多，味道都好有镬气，不会因为人多而影响质素。
好味酱烤骨
我以为系金沙骨之类（一字排），点知原来系将肉腩煮熟再淋上汁（系炆不似烤），做法有点和东坡肉相似，完全同个名不同，味道一般，上面放咗一块大菠萝，然后再用较剪帮你剪开。
避风塘赖尿虾肉
没想过濑尿虾不用自己剥壳（不用拆骨的确系很大的卖点），啖啖肉非常好食，赖尿虾味好浓，肉质鲜味，同埋炸过嘅蒜一齐食真系好正。
椒盐鲜鱿
有避风塘赖尿虾打头阵，即时比下去，下次可以不用叫（似土鱿多过鲜鱿，个粉厚左啲）
沙姜冻猪手
猪手系冻食的，无猪骚味，非常清爽有弹性，唔会过硬，亦唔会过冧，肉质鲜嫩，质感富含骨胶原有咬口，不太咸，葱辣椒好多，调味亦都相对很好，份量都几多，不过就唔系好觉有沙姜味。
事头婆炒面
只是比一般水准好些，冇乜获气同埋比较湿，豉油皇炒面不是间间都好食，金豪算是炒得不差，油量适中，香得嚟又唔油腻，面身爽弹，咸味适中，仲有好多芽菜，加埋店主提供嘅辣酱，味道可以。
啫啫通菜
店员用一个烧红左嘅煲即时在客人面前将通菜倒入煲内爆炒，随即咋咋声同香气令人胃口大开，通菜唔会过粗糙，食落无渣而且仍然保持翠绿，连同蒜姜、辣椒、虾干爆香，非常惹味，咸度适中，原来又真系好特别既一道菜。
蒜蓉粉丝元贝
劲大只元贝，干湿蒜一齐蒸，蒸嘅时间掌握得刚刚好，不会过韧，底部粉丝吸收了元贝和蒜汁的味道，味香浓，超级鲜味，非常满足。
芥辣牛柳粒
真系第一次食，味道出奇好味，牛肉粒被芥辣酱包裹著，食落去有少少攻鼻，牛的质感较为韧，要咬耐少少先吞得，不过加埋沙律菜一齐食超正，并配上合桃点缀，确实唔错。
豉椒蒸大鳝
肉质腍软，我个人较喜欢食弹牙。
最后要赞一赞店员嘅服务态度良好，很有礼貌，佢哋都非常友善，除咗推介美味菜式，仲自动帮我哋换碟，服务态度真系好。唯一不好的就是上菜速度好快，食物味道水准一般，唔算太好食，但唔难食，唔好期望咁高。坐的地方比较窄，交通算方便。总括一句不妨试试猪脚及炒面。
张贴
