新南苑雞煲小菜點心 (已結業)

好耐无同妈妈两个拍拖食饭，原本想落去黄大仙北馆揾嘢食，途经竹园商场发现有新餐厅，望下个餐牌又觉得几吸到，于是就入去试吓。餐牌都有好多种类，小菜、鸡煲、西餐扒类甚至点心都有，啱哂我呢啲钟意多元化嘅嘢食可以咩都试吓。今次就选择咗小菜为主，点咗个虾酱通菜炒鲜鱿、姜葱生蚝煲、三色蒸水蛋同埋一个例汤。炖汤系粉葛赤小豆鸡脚汤，一饮就觉得好足料嘅味道。虾酱通菜炒鲜鱿嘅鱿鱼好爽口，虾酱味好香。姜葱生蚝煲有8只蚝，Size都唔算细只，姜葱味好浓。三色蒸水蛋可以话系我人生中第一次食到咁多咸蛋黄！总括呢一餐系好味之余，职员嘅服务态度都好好。