貓咪貓咪HOME (已結業)

一向既我对猫无咩好感，但系为左同朋友相见，硬住头皮都会去。去到比我想像中安静同干净，可能系我谂得太夸张吧！猫猫都好安静系地下玩，亦都唔会太嘈！食物方面都几齐全，有主食，有好多小食，亦有多款饮品。叫完野食就拎纸牌游戏黎玩，玩玩下，我朋友竟然去玩猫，不过d猫可能太攰，唔系点理佢😂😂小食拼盘，入面有司华力肠，饺子，薯条，鸡翼等等，味道方面比我想像中好食！炸得好脆身，而且一口一旧，可以一边玩纸牌一边食野！鱿鱼圈都几大旧，同埋炸得好脆，岩哂中意食热气野既我。仲有我最爱既沙津酱，令到食咁多炸物都唔会太腻。虽然我对猫猫无咩兴趣，但呢度胜在环境干净，食物质素唔差，有时陪朋友黎玩猫都系一个唔错既选择。