CURATOR Art & Café (已結業)

细细个就钟意小王子，呢日嚟到 K11 揾嘢食，见到呢间小王子设计主题餐厅，除咗门面有大大个小王子公仔，里面仲有好多相关嘅精品，不过睇睇吓又唔止小王子㖞，餐厅里面仲有其他艺术家嘅作品，例如奈良美智等，咁有现代艺术气息嘅餐厅，当然要打吓卡。呢间餐厅虽然唔大，但系感觉非常之唔错，美食质素都唔错，今次食咗 龙虾意粉 同 羊架，味道都唔错，尤其是个羊架，同佢讲五成熟就真系做到五成熟，够嫩滑，值得推介。另外佢仲有部可以打印相片嘅咖啡机，唔系玩拉花，系可以将自己个样打印上杯咖啡度，嚟庆祝吓纪念日又多个 Gimick！