滿江紅小甜甜 (已結業)

睇铺头名最初以为系食甜品嘅😂，点知原来系一间食麻辣+甜品店。由于门口有少少凹入，路过都可能会miss咗㗎，装修比较旧，但尚算企理。午市套餐粉面饭都有，我最钟意系乌江鱼饭或者酸菜鱼饭。因最近食得多热气嘢，今日清清地食个鸡皇饭，大部分饭套餐都会跟例汤，时菜。鸡皮系淡黄色，零脂肪，少少鸡味，肉唔嚡，点附上嘅姜蓉味道刚好，例汤都可以，少味精。附送嘅时菜系白菜仔，落咗嘅豉油汁，送饭一流😆。同时叫蒸鱼饭，佢今日好运最后一个都比佢食到🤣，因平时好快就售罄。蒸鱼好大碟，我都帮口试下味先😂，鱼肉无泥味，蒸得刚好，肉质结实唔嚡，重点系豉油较得好好味👍。另一个竹筒饭，呢个非常底食，又系经常售罄嘅菜式，只系$38！而且饭好足料，有冬菇，猪肉，鱿鱼煮得非常香，唔好睇佢竹筒咁细，都有碗半饭㗎！最后套餐系可以拣饮品或糖水，咁女士们大多数会拣糖水嘅🤣，款式有3种：蕃薯，腐竹，绿豆，想清下热气大家都拣绿豆，好有诚意咁有加臭草同海带，甜味啱啱好，真系食多一碗都得呀🤤。又平又好食仲可以喺边度揾👍👍