小田田主題餐廳 (已結業)

今日系太子睇完中医就系附近揾食，见到有间几田园风的餐厅，加上最近追完大叔的爱，人气话题绝对系春田田，系睇错左小田田做春田田的情况下， 就吸引左入去试下啦~平日夜晚客人唔算特别多，唔洗等位就可以入坐。餐厅环境舒服，有田园的感觉。而且食物选择都唔少~ 啱晒同朋友一齐来食~磨菇汤配紫薯包 - 磨菇汤够香，紫薯包微热够新鲜，味道唔错。咖喱鸡扒配糙米饭 - 咖喱味道虽然香但有点太辣，饭同鸡扒的分量偏少，饭仲要有D唔好味的饭焦，真系扣晒分!香煎牛柳粒南瓜汁意粉 - 牛柳粒够嫩滑，意粉睇落好淋但比想像中有咬口，配南瓜汁唔算最夹但味道其实都唔错。整体而言，其实质素只算系一般，食物都可以话系一分钱一分货，幸好坐得舒服，可以加返少少分。如果经过可以试下，但唔需要专程来食。