翠園 (荃新天地) (已結業)

今日因为感冒，休息一日。训到自然醒后，就同屋企人一齐出去食野兼买𩠌。我地去左好耐都无去嘅翠园怀旧一下。我地叫左几个点心同一个担担面。担担面。我以为份量似上海酒家嘅份量，不过依份似系一人份。唔紧要，我地一人少少试下味先！味道不错，浓度适中，可再多少少麻香及辣度。面就软硬适中，有咬口，唔会太林。叉烧酥。依家好多地方嘅叉烧酥都系长条形，见到依个三角形，好有回忆呀！叉烧酥松软，只系皮略为厚，可以加多少少叉烧，味道会更丰富。猪膶烧卖。好耐无食过喇！叫点心时都有挣扎，唔知叫猪膶烧卖定鹌鹑蛋烧卖，两样都好怀旧，最后都系叫猪膶烧卖啦！一上枱就见到两块大大嘅猪膶，好吸引呀！一定要衬热食。猪膶唔会太硬太老，刚刚好，处理得好好，唔会有猪嘅腥味。带子菜苗饺。翠绿嘅饺子皮令菜苗饺再多一点清新，而带子同菜苗份量适中，每一啖都食到菜同带子，不错！潮州粉果。依个潮州粉果同平时食嘅有少少不同，佢带有轻微嘅辣味，喜欢食辣嘅朋友可以试下，都几特别。鲜竹卷。有丰富嘅素菜馅料，同其他酒家差不多。胡椒包。依个系其中一样好想试嘅点心。胡椒包入面包住猪肉馅，下面有京葱，夹住一齐食好香，好味。猪肉馅可以再多少少胡椒，会更香，份量亦可再