影片
更多
2007-01-01
5 浏览
原本都听过小白鹭唔系咁好架喇，呢度写到佢好差咁，不过之前把心一横去食完之后，真系宜家一肚火，把心一横出嚟写衰果间咁既野。 我地系去先预约的，好声好气打电话去...哗！佢真系觉得唔忧做啰。无D礼貌，唔该都无声，一落左单即刻收线赶住收工咁。好、可能佢有野做紧，我暂时算数。 好喇果一晚出去喇，刚刚好撞到果度有人摆酒，所以无OUTDOOR，所以我地去左另外既一个室，个格局超级似果D普通酒楼咁，真系同人讲都无人相信。我地都叫做对住个窗口位食饭，不过个景观就当然无原本果一边咁好。D台椅...老实讲好旧，木台居然系甩甩地油既，一间闲闲地一餐饭都过一百蚊既餐厅、唔该佢既台椅就换下佢地啦~不过最令我觉得佢地做衰既系：既然有人摆酒会用左个餐厅就唔该系电话度讲定先，等我地知左先都好嘛。 我地点了两个套餐：龙虾同埋羊仔柳，个餐都系一般既西餐所以餐汤饭品无得走，我逐样讲啦。个餐包老实讲几好食，之后先讲点解。罗宋汤同个菠菜忌廉汤都算系咁，不过个罗宋汤个味真系水左少少。之后讲到个主菜，真系火都离！ 羊仔柳呢个MAIN COURSE同龙虾果个一齐到既，对比之下羊仔柳餐完全系儿童餐份量，
我地系去先预约的，好声好气打电话去...哗！佢真系觉得唔忧做啰。无D礼貌，唔该都无声，一落左单即刻收线赶住收工咁。好、可能佢有野做紧，我暂时算数。
好喇果一晚出去喇，刚刚好撞到果度有人摆酒，所以无OUTDOOR，所以我地去左另外既一个室，个格局超级似果D普通酒楼咁，真系同人讲都无人相信。我地都叫做对住个窗口位食饭，不过个景观就当然无原本果一边咁好。D台椅...老实讲好旧，木台居然系甩甩地油既，一间闲闲地一餐饭都过一百蚊既餐厅、唔该佢既台椅就换下佢地啦~不过最令我觉得佢地做衰既系：既然有人摆酒会用左个餐厅就唔该系电话度讲定先，等我地知左先都好嘛。
我地点了两个套餐：龙虾同埋羊仔柳，个餐都系一般既西餐所以餐汤饭品无得走，我逐样讲啦。个餐包老实讲几好食，之后先讲点解。罗宋汤同个菠菜忌廉汤都算系咁，不过个罗宋汤个味真系水左少少。之后讲到个主菜，真系火都离！
羊仔柳呢个MAIN COURSE同龙虾果个一齐到既，对比之下羊仔柳餐完全系儿童餐份量，根本唔够食！得果几块羊仔肉，唔系讲笑，果几块「既野」唔讲我以为系叉烧。好好地一块羊柳，估唔到可以俾小白鹭既大厨搅到唔似羊，似猪，真系犀利！烧鹅既价钱，蔗渣既味道，完全系呢一碟野既写照。
龙虾既FIRST IMPRESSION俾我既感觉其实唔错，OK足料，不过食落又系一件糟蹋天物之作。佢地用左好多料去同龙虾一齐煮，又带子又蟹柳，仲有好浓烈既蕃茄酱，呢一D配料足以抢哂成只龙虾既鲜味....唔好讲鲜味喇，就算系普通龙虾既肉味都无。我本来食少少觉得无乜野事，不过食食下就俾呢一种蕃茄酱味令到我唔想再食落去，我只系食紧一PAT蕃茄酱肉姐。跟餐既意粉，如果同埋龙虾一齐食哂，会好滞。
我同个FRD就系一个滞一个饿的食完个主菜。
餐饮其实间间餐厅差唔多，不过佢都真系可以做到有特色，真系边度都揾唔到！可怜的朋友要了个热拧水，我第一次见到一只咁细的杯，真系只系比玩煮饭仔的大少少。几啖水加一块so-called柠檬，阿FRD哭诉味道淡到死，呢D柠水.....我谂应该系一D西式餐厅招呼人客用既普通水only~另外我果一个冻柠茶又好经典，咁大个都系第一次落哂成樽糖水都唔觉得冻柠茶有甜味，系佢地D红茶特别？定系佢地D糖水悭钱开稀哂？
以前话D餐包最好食，就系因为之后无啖好食！！！
走喇走喇！我地去埋单，盛惠四百几，我地叫个WAITER摆抵张BILL俾我地，之后佢个款就真系好狗眼FEEL，阿FRD因为之前食左一餐咁既野已经好唔GUR，仲要睇果个WAITER咁既面色，真系嬲到上心口。最后佢决定将D毫子俾哂佢泄愤！贴士？一毫子啦、都真系俾多佢~好记得个WAITER收番张BILL的时候讲左一句：「OK呀呵？」真系激嬲埋我，老实讲你地怕麻烦既话可以之前讲定先话CREDIT CARDS ONLY，够哂方便啦！唔好收CASH丫笨！
阿FRD太肚饿喇，最后我地出番去大埔食卤水鹅。几十蚊既卤水鹅仲好食过佢！死未~
所以系度奉劝咁多位，小白鹭一生人去一次，因为呢一间野去左一次之后就一定唔会有人想去多一次！！
张贴