小神燈新派飯館 (已結業)

朋友住系将军澳，推荐呢间小神灯，话系区内一间唔错嘅中菜，探朋友后约一班人聚下就选了呢间餐厅。当晚吃了几个特别菜式，爆膏奶油虾，椒盐瀬尿虾同沙姜焗海花螺，都系近期推荐，当中最爱呢个沙姜焗海花螺，原来可以咁夹，完全无谂过可以咁整，虽然食完有少少觉得咸，但系我都几诚意推介呢个咁特别嘅整法。椒盐瀬尿虾绝对做得好好，不过濑尿虾系比较细只，如果系斑马濑尿虾嘅话应该会完美，送支啤酒真系最好。爆膏奶油虾的确几爆膏，但个奶油有点腻，送饭反而刚刚好好。叫小神灯招牌金沙鬼马百花酿油条，好多人都大赞。最后加个三丝炒米粉同埋之前喺佐敦神灯食过好好食嘅蒜蓉蒸胜瓜，刚刚好够饱。炒米粉显示到呢间餐厅师傅嘅功力都真系唔错。甜品仲送红豆沙，同佐敦差唔多，服务系几好。下次如果再去将军澳探朋友玩嘅时候，唔一定要再叫到会，喺呢度一班人试多几个小菜，应该系比到会更加好嘅选择。