鼎泰豐 (已結業)

今日嚟到尖沙咀食鼎泰丰，当然要讲嘅就系小笼包啦，我地点左两款小笼包，一款系鸡肉一款系猪肉。𠮶笼会有只鸡仔作识别，面粉做嘅唔知食唔食得，味道上来讲比较清淡，肉馅嘅质地比较实净，虽然有汤汁滋润，识落都系冇咁可口。猪肉做嘅小笼包，肉嘅质地比较细腻，更容易同汤汁混和，粉皮嘅厚度亦都够薄，令到口感十分充实。另外仲叫咗一个虾仁蛋炒饭，份量比较少，但上面大大只嘅虾仁一食就知系用鲜虾做嘅，好鲜甜，饭都炒得几干身，蛋丝亦都冇过老，系几出色嘅。