樂天皇朝 (雅蘭中心)

营业中

休息中

请朋友食生日饭，佢指定想食小笼包，就同左佢黎呢度试下个八色小笼包啦！个主角皇朝小笼包果然系皇牌，几有惊喜👍🏻。我地一人食四只唔同味，大部份嘅味都一食就食得出同埋都几夹个小笼包。佢个小笼包嘅皮做得唔错，唔会厚又唔会夹起黎好易穿。嚟到一定要食呢个！皇朝担担面比想像中辣，但系差咁啲花生味。个炸馒头都可以，新鲜炸起唔会好油，然后要点大量练奶😆。甜品就叫左个宫廷驴打滚，又几好食㖞！本来以为系热嘅，原来系冻嘅好似扁左嘅糯米糍咁，够烟韧又唔会好甜。饮品我个个薏米水都几好饮，加左柠檬饮落酸酸地，同埋啲薏米都够腍。等紧朋友黎嘅时候其实我都食左大半碟小食，系煮过嘅花生加粟子，整得几入味都唔错。