上海婆婆336 (已結業)

琴晚晚饭突然想食小笼包，将军澳区上海菜餐厅选择唔多，所以就同屋企人去咗上海婆婆食，虽然系晚饭时间，但系都唔需要等位好耐。本来想点蟹粉小笼包，但系原来上海婆婆无，所以就叫咗普通小笼包，一笼有四个，馅皮唔会好厚，里面肉汁都几多，一啖一个好满足。👍🏻个黄金炒饭都好好味，炒饭够干身够火喉，充满咸蛋黄香味，粒粒分明，份量都几多，可以分到3-4碗。蒜泥白肉就一般般，有点太干。餐厅上菜速度非常快，值得一赞。