湘川滬 (+WOO嘉湖二期)

营业中

休息中

难得一家人饮茶，唔想成日食黎食去都系𠮶几款点心，今次喺天水围见到呢间湘川沪🤭，一于试下佢。选择好似都几多，除左点心仲有上海菜，好似上海粗炒，年糕等等😏。不过一早都系想食下点心，呢度都有D几特别既款式，出面都比较少见。上海年糕蒸排骨，呢款做法唔错，因为用年糕垫底，可以吸收排骨既肉汁，年糕烟韧惹味，不错！鹌鹑蛋烧卖，古老既一款点心，不过呢度整得麻麻地，烧卖一夹就散，鹌鹑蛋完全分离，食得好论尽😅。黎得呢度我觉得必食小笼包👍👍，皮唔太厚亦唔算好薄，反而我觉啱啱好，包住所有既汤汁，猪肉肥瘦适中，所以比较软滑，上枱时热辣辣，必食推介😋😋。反而生煎包就唔太好食，馅料比较少，同埋有少少雪味，包皮过厚，令到整体干身左D🥲，可以不试。鼓汁蒸凤爪，只系正正常常，无咩特别。糖醋鱼块有惊喜，鱼块炸得香脆，糖醋汁挂喺鱼块上面，口感一流🤗。今次食呢间湘川沪，觉得比平时酒楼饮茶好，因为可以选择食上海菜，最喜欢系小笼包，其他食物就有好有唔好，如果住得远就唔需要专登入黎食🤭。