翡翠拉麵小籠包 (已搬遷) 新店位置

其实新港城中心有几多好野食，大家真系心知肚明。所以lunch好去处真系唔多，能够拣嘅只有翡翠拉面小笼包，同2位好朋友坐左入去食lunch~ 呢度嘅调味料好充足~~~ 一坐低，侍应生已经俾左杯玄米茶我地饮，上海野多数浓味，所以呢杯茶最啱~~~见到个咁厚嘅餐牌，一啲lunch menu都无，我就知道呢度系唔会为左做午巿而推出set lunch~ 封面好似好旧咁.... 本来我曾经有谂过食呢度嘅4色小笼包，最后都打消左呢个念头~ 朋友坚持要叫呢客炸银丝卷，的确呢客炸银丝卷唔系好油腻，里面仲系软嘅，如果唔系点左啲炼奶，其实真系一啲味都无，呢道菜实在系一道甜品咁。另一推介系呢度嘅上海小笼包(4只)，皮唔系厚，但系清楚见到小笼包入面嘅上汤，里面嘅鲜肉亦非常入味，无索哂啲水，算系我近年食到最好食嘅小笼包。又系朋友坚持要叫嘅嫩鸡煨面，老实讲，睇个卖相真系觉得麻麻，我唔明点解我朋友要坚持叫。后来试左一碗，啲鸡油渗左系啲汤度，个汤底已经系好够味，另外嫩鸡真系嫩，每一旧都唔太大旧，真系几唔错!