翡翠拉麵小籠包 (已結業)

平时谂唔到食咩就会食上海菜，上次去左香港仔既翡翠拉面小笼包，环境都几靓几舒服。咁梗系要整番笼上海小笼包先啦，一打开啲蒸气岀哂黎，小笼包粒粒都好圆好大粒！食落去皮薄馅靓，汤超级鲜甜。小食拣左花雕醉鸡，超级香花雕酒既味道，啲鸡做得好嫩滑！下雨天时好冻要饮番个汤暖身，叫左云吞鸡汤 ，有2大粒菜肉云呑，好有口感！而且鸡汤都好浓郁。另外因为本身好钟意食赛螃蟹，所以都叫咗一碟黎试吓，都几多瑶柱😆 然后炒得都几滑，如果蛋白再细旧啲就更加好了。最后叫左一个面2份食，拣左担担面，一夹起超香麻酱味，个手拉面质感真系唔错几有口感，有少少微辣，好惹味。