樂天皇朝 (將軍澳中心)

营业中

休息中

每次入将军澳探丫姨, 都定必同我一齐食个dinner。今晚去咗附近一间上海菜餐厅「乐天皇朝」回味一下招牌菜小笼包。餐厅装修时尚, 舒适企理,先送上前菜, 自行Click order纸落单, 【小笼包 】HK$68内里有丰富清甜嘅汤汁, 每个小笼包汤汁接近有一汤匙之多, 猪肉馅料很鲜, 绝对称得上皮薄馅靓!【生煎包】HK $45包面软熟, 底部煎至金黄焦脆, 馅料同样juicy有鲜肉香。【酸辣汤拉面】HK$75面质同样索咗汤汁而令质地转林,  酸辣汤汤底足料偏杰, 辣多于酸,汤底夹集了肉丝、笋丝、豆腐等等…每条面条都挂上汤汁, 惹味开胃又大大碗, 非常饱肚。【胆胆面】HK$65虽然order咁少辣, 但依然觉得够辣, 面质偏林, 稍为索咗少少汤底, 汤底味道浓厚, 花生酱味突出, 辣辣地, 几惹味。再配有些少花生碎增加口感层次。【柠檬芦荟桂花蜜】HK$33冻得黎酸尾尾又少少甜, 好似饮紧菊花茶少甜似的, 芦荟微爽带本身甜味, 不过桂花味唔出, 但整体都唔错, 完全可以中和到食完酸辣汤口中嘅辣。