霸王山莊 (已結業)

估唔到... 霸王山庄, 不知不觉由6间分店变为2间分店~~~ 真系生意难做..  要留住客人事实好难, 希望多D厨师有心去烹调食物去留住每一位客人~~^^花雕醉鸡 $78- , 够入味, 花雕味好浓~~ 鸡肉仲保持到嫩, GOOD~ 而且一做去晒骨啖啖肉 如果大碟多少少就更好 霸王小笼包 $35 (4只), 呢个我推介, 皮薄又多肉汁~ 热腾腾即刻食, 好正~ (小笼包贵手工, 人手制造 )酸辣汤 (例) $95- , 呢个SIZE可以分到5碗, 呢个算系中辣, 我勉强食到咋, 本身食唔到好辣~~有肉条 (平时出面得好少肉, 而且得肉丝, 呢到系肉条)、豆腐、冬笋, 木耳 <<好足料>> 酸辣汤的特点是酸、辣、咸、鲜、香~ 霸王炒饭 ($78), 炒饭最难系粒粒分明, 个饭食过几次, 水汁保持到, 材料有菜粒, 虾仁, 肉粒, 饭面舖左干既虾仔干, 瑶柱丝.干扁四季豆 ($75), 今次唔掂呀, 炒到有D㶶味~~ 如果我系个厨师会炒过碟先比客人食~ 四季豆又唔系D咩贵野~ =_=起到开茶, 可以要"桂花乌龙茶"~~~ 好香桂花味