好德來小籠包店 (已結業)

陪朋友体检完都已经天黑，平时下午都遇岩中场休息，今次终于食到喇。话说我哋仲有下一场晚餐，所以只系轻食试试。 一入去职员都有返咁上下年纪，虽然我哋年纪差距好大，却很亲切🥰热辣辣小笼包热系好重要，唔热汤汁会凝固，个顶端块皮好硬，肉都会软属啲。呢度嘅小笼包热，整体超正 因为太热，我哋都摊咗阵先食。 皮望落有啲啲厚，食落又OK, 包住满满唔肥肉汁，馅料足。必食锅贴有几必食？ 一摆上枱，我忍唔住讲，我仲以为锅贴系脆卜卜。 当咬一啖，就要打自己咀巴喇。 佢真系脆㗎， 同样地眼睇皮好厚，食落都厚。但真系脆口，又吹佢唔胀🤣 锅贴入面有肉汁系加分位。 仲有size系好大只。因为睇到餐牌有写最低消费，我哋想食云吞，但食完8只肯定唔洗食下餐，唯有叫多碗面。 咩道理？食面就唔饱？ haha因为面平啲啲吖嘛。云吞皮好滑呀！面条亦好出色，条条粗幼一样。