小肥羊 (已結業)

三年前黎过呢度食点心放题今日去铜锣湾　ｂａｂｙ话未食过于是卜徐试一试去到小肥羊已经要等位不过等左一，两分中到就有位　而且仲系卡位　正！下午茶点心放题　时段为１４００－１６００＄４７蚊一位再加一加茶钱既然是放题　当然有很多选择花多眼乱　ｂａｂｙ叫左好多款平时无咩机会食到既点心　特别系羊肉饀果ｄ！重点推介几款点心小肥羊春卷＝正！皮薄饀又多　而且外层脆内层热　１００分！口水鸡　四川名菜！每客有三件　份量好似少ｄ不过无所谓　可以再叫热辣辣既鸡肉配上又麻又辣既酱汁　一流鸡皮好滑　鸡肉亦好嫩　唯独酱汁略嫌太油炸云吞　大大件　炸到好脆　但唔会油　亦唔会＂遗＂一层一层　口感好好　点埋甜酸汁好好味我至爱既叉烧包　等左好耐先上台原因系即叫即蒸　上台果阵热到拎唔到上手　ｄ烟系咁飘牙飘讲番个包　皮唔会太厚　岩岩好　而且唔干身　咬落软绵绵叉烧饀好多　而且唔会有肥肉　全部都系瘦叉烧加埋叉烧汁　简直无敌！食完个包　满足感极大 灌汤饺　汤底落左瑶柱　所以好重瑶柱味　饺皮唔痴牙　羊肉亦唔苏　ｇｏｏｄ总结＄４７既价钱　其实唔可以要求食物质素达五星级但小肥羊既质素绝对唔差　而且种类好多　经济得黎味道又ｏＫ唯独有一道点心真系