影片
更多
2021-09-27
157 浏览
之前行经通菜街已经留意到有间新开嘅米线舖，名称好特别叫「小草十八怪石锅米线」。其后再喺社交平台米线群组见到大家疯狂讨论，令到我想食嘅决心更加大🤣，自己食一次先参究到好食与否。我同朋友星期日下午两点半钟去到都要等位，餐厅人气超高👏，而且留意返楼层面积好大，座位数量都多！即使晏啲嘅时间散咗食午餐嘅人，但客人仍然源源不绝。呢度环境干净企理，冷气充足，加上有大玻璃窗透光，感觉舒服。此外，餐厅嘅装修令人印象深刻，黄加绿嘅组合色调好瞩目💚💛，并以植物同装饰花作点缀，整个格调有别于一般米线店。想简单食碗米线的话，最平$35有交易。不过如果有时间同埋想食得缤纷啲，就可以拣石锅米线！米线以外，佢亦有卖笼仔荷叶饭以及串烧同小食，选择非常之多，样样都好吸引😍。石锅米线🍜($85)，任选九款配料，不可重复，同时面底同汤底亦有得拣。食呢个石锅米线绝对需要有足够空间，因为汤底、面条、𩠌料同石锅器皿全部分开上。客人其后就可以按照教学，逐一将食材加至石锅煮熟。可供选择嘅配料超过三十款，由左上顺序讲到右下🍖，佢哋分别系牛丸、红烧牛肚、红烧牛筋、卤水腩肉、黑牛柏叶、五香辣猪软骨、凤尾虎虾仁、封门牛柳以及香辣蕃茄牛肋条。基
之前行经通菜街已经留意到有间新开嘅米线舖，名称好特别叫「小草十八怪石锅米线」。其后再喺社交平台米线群组见到大家疯狂讨论，令到我想食嘅决心更加大🤣，自己食一次先参究到好食与否。
我同朋友星期日下午两点半钟去到都要等位，餐厅人气超高👏，而且留意返楼层面积好大，座位数量都多！即使晏啲嘅时间散咗食午餐嘅人，但客人仍然源源不绝。
呢度环境干净企理，冷气充足，加上有大玻璃窗透光，感觉舒服。此外，餐厅嘅装修令人印象深刻，黄加绿嘅组合色调好瞩目💚💛，并以植物同装饰花作点缀，整个格调有别于一般米线店。
想简单食碗米线的话，最平$35有交易。不过如果有时间同埋想食得缤纷啲，就可以拣石锅米线！米线以外，佢亦有卖笼仔荷叶饭以及串烧同小食，选择非常之多，样样都好吸引😍。
石锅米线
$85
17 浏览
0 赞好
0 留言
石锅米线
$85
19 浏览
0 赞好
0 留言
米线汤底有五款选择，包括香辣金汤、沙嗲汤、酸菜鱼汤、马来肉骨茶以及火腿瑶柱肉骨汤。原本想试吓辣汤，但店员话有啲客食完系咁嗌辣。我哋最终要咗火腿瑶柱肉骨汤，佢唔同市面上嘅猪骨汤，味道唔太咸，但好入味，而且最重要系佢够热🔥，温度绝对系食汤面嘅关键。
面底可选配米线、幼薯粉、公仔面或者饭，我哋拣咗米线，面条偏幼身，上枱时经已渌开咗，所以喺石锅再煮时系咁咦滚两吓就OK👌，否则会变太淋。但份量唔算多，得一个碗仔。
介绍完啲食材再讲吓石锅米线嘅制作步骤📝，首先系要将啲蔬菜同肉放哂入石锅，之后加汤搅拌冚盖焗一分钟，最后再放入面条焗多半分钟就搞掂。过程快捷简单，纯粹系添加玩味元素。
小草百宝荷叶饭
$48
5 浏览
0 赞好
0 留言
小草百宝荷叶饭($48)，米线之外呢度仲有荷叶饭食，荷叶饭以笼仔装住，四四方方，看似好多，但其实系正常份量，因为个笼深度只得一半。百宝饭渗透出淡淡嘅荷叶清香🌱，饭粒热辣辣蒸起好正。所谓百宝即系有鸡肉粒、腊肠、粟米、葱同杞子等，虽然啲料看似普通，但成啖食起上嚟系好丰富同滋味🍚。
椒麻虾胶腐皮脆卷
$26
4 浏览
0 赞好
0 留言
另外，我哋仲叫咗堆串烧🍢，虽然细细串，但都系抵，你谂吓街边啲外卖店都系呢个价位。我哋要咗孜然羊肉串($16)、沙嗲牛柳串($15)、顺化炭烧猪肉串($12)、鸡肉串($15)、鸡软骨($22/2条)、猪大肠($10)、翠肉瓜($10)同埋牛油粟米($10)。咁多款之中我认为羊肉最出色，孜然味好夹，羊肉香而不膻。
芒果冻顶乌龙茶
$25
6 浏览
0 赞好
0 留言
总括嚟讲，小草十八怪充满惊喜，除咗改咗个好名之外，食物味道同菜式设计均令人满意😋。石锅米线定价贵啲，但普通版米线同饭及小食其实算抵食。我亲身食完之后，认为可以为餐厅平反一下，佢绝对系可以再食之列！
张贴
